కురుక్షేత్రలో విషాదం: భర్తను హతమార్చిన భార్య.. ఆపై టెర్రస్ నుంచి దూకి..

మనిషి మృగంగా మారుతున్న ఈ కలికాలంలో బంధాలు, అనుబంధాలు కేవలం బూడిదలో నిప్పులా మారుతున్నాయి. ఏడడుగులతో జీవితాంతం తోడుంటానని ప్రమాణం చేసిన భార్యే కాలయమురాలై భర్త ప్రాణాలు తీసిన ఈ దారుణ ఘటన సమాజం సిగ్గుతో తలదించుకునేలా చేస్తోంది. నమ్మిన గొంతు కోయడమే కాకుండా, కంటికి రెప్పలా కాపాడాల్సిన చేతులతోనే కిరాతకానికి పాల్పడటం చూస్తుంటే రాక్షస యుగం మళ్లీ వచ్చిందేమో అనిపిస్తుంది. మానవత్వం మంటగలుస్తున్న ఈ రోజుల్లో రక్తసంబంధాలు కూడా హత్యల రక్తపుేటేళ్లలో కొట్టుకుపోతున్నాయి. నమ్మకద్రోహం నిండుగా నిండిన ఈ కలియుగంలో మనిషికి మనిషే అతిపెద్ద శాపంగా మారుతున్నాడు. ధర్మం కాస్తా దిగజారి, క్రూరత్వం రాజ్యమేలుతున్న ఈ వికృత ఘటన హర్యానాలో వెలుగు చూసింది... దాని అసలు రూపం ఇదే

ఘటన స్థలం: హర్యానాలోని కురుక్షేత్ర పెహోవా రోడ్డు, రాజ్ ప్యాలెస్ సమీపంలోని అద్దె ఇల్లు.

నిందితులు/బాధితులు: రాజేష్ మరియు భార్య విమలా దేవి.

దారుణం: భర్తను హత్య చేసి, శరీరం నుంచి బయటకు వచ్చిన పేగులను సంచిలో సర్దుతుండగా ఇంటి యజమాని రింకు గమనించాడు.

ప్రాణత్యాగం/ప్రయత్నం: యజమానిని చూడగానే భయాందోళనకు గురైన నిందితురాలు టెర్రస్ పై నుంచి కిందకు దూకగా, ప్రస్తుతం ఆసుపత్రిలో చికిత్స పొందుతోంది.

కురుక్షేత్రలోని పెహోవా రోడ్డులో ఉన్న రాజ్ ప్యాలెస్ సమీపంలో రాజేష్, విమలా దేవి ఓ అద్దె ఇంట్లో నివసిస్తున్నారు. ఇటీవల రాజేష్, విమలా దేవి ఏదో విషయమై గొడవపడ్డారు. ఆ గందరగోళాన్ని విని ఇంటి యజమాని రింకు డాబా మీదకు పరుగెత్తాడు. అక్కడ అతడు చూసిన దృశ్యం అచ్చం క్రైమ్ సినిమాలోని సన్నివేశంలా ఉంది. రాజేష్ రక్తపు మడుగులో పడి ఉన్నాడు. అతడి శరీరం నుంచి బయటకు వచ్చిన పేగులను విమల ఒక సంచిలో పెడుతోంది.

ఇంటి యజమానిని చూడగానే ఆ మహిళ భయాందోళనకు గురైంది. వెంటనే టెర్రస్ పై నుంచి కిందకు దూకేసింది. గాయపడిన నిందితురాలిని ఆసుపత్రిలో చేర్చారు. ప్రస్తుతం ఆమెకు చికిత్స జరుగుతోంది. పోలీసులు ఆమె వాంగ్మూలాన్ని నమోదు చేసేందుకు ప్రయత్నిస్తున్నారు. పదునైన ఆయుధాలతో రాజేష్ పొట్టను సుమారు 35 సెంటీమీటర్ల మేర కోసి, లోతైన గాయాలు చేసినట్లు పోస్ట్‌మార్టంలో తెలిసింది. ఘటనా స్థలం నుంచి మూడు కత్తులను పోలీసులు స్వాధీనం చేసుకున్నారు.